آول آجتمآإع للعآيلتين

بآخر شهر 8 / 1433هـ 

جآء اتصصآل آم فهد وقآلت فيه ( آنهم ودهم يزورونآ وبتعرفو علينآ ومن هالكلام ) <= طبعآ اللي ما يخفى آسآس المقآبلة شوفتي و يشوفو من هالبنت وكيف شكلهآ ؟ وطريقتهآ ؟ واسلوبهآ ؟ وغيره ... 

حددو الموعد بعد الاتصآل باسبوعين .

جاء اليوم اللي قبل المقابلة , وقآمت شياطيني تترآقص و بديت اوسسوس فيني و توترت من نفسي , صرت آهدي حالي وارسل رسآيل ايجابية قبل النوم لنفسي واذكر ايجابياتي لنفسي ههههه و اقول ( انتي حلوة ) و بداخلي شخصه تقولي سري 

ارجع اطنش ارسل رسالة ايجابية ثانية ( اسلوبك طريف و جميل مثلك ) <- هههه ترد الشخصه والله لو ما تنامين وريتك ان الله حق 

ورفعت معنويآتي وبعدهاا قريت آذكآري ودعيت الله يوفقني ويقدم لي كل الخير , ونمت 

.. يوم المقآبلة ..

طبعآ آمي تكلفت بآلعشآء لحآلهآ و مآ سآعدتهآ كثير من ربكتي لكن على طول جآتني السنآعة يوم شفتهم بآلمطبخ وقلت يا بنت وين الشطآرة حقك و ين بنت الصحرآء اللي فيك ؟ وين الهمة ؟ اهكذآ تتسسقبلين ضيوفك ؟ ما هيقتها ي نفسي منك :( 

وقآمت الفزعة فيني وقلت آبدن لن ولن اجلس بقوم اسسوي حآجة وآخرتهآ حلا وسلطآت <- امم المسلسل اللي سويته مع نفسي 

نقول الحمدلله اني  لقيت آغرآض الحلا وجآبوهآ اهلي

وجاآء الظهر وبدآ الشغل  وصآر البيت كلهه حركةة من الشغالة اللي جآبتهآ امي لامي لاختي الله يعطيهم العآفية 

فبديت بالسسلطة وقآلت امي سسوي سلطة جزر وخيآر بالزبآدي آول وقلت اووككي 

وليه ما ابدآ وابشر الجزر و الخيآر و آبشر و آبشر وفجآءة آسرح واتفكر و آبشر يدي الجميلة معآهم <-- ااههه يدي حبيبتي سآمحيني عزيزتي 

قآمت اختي طبعآ اختي بسآدس ابتدائي :( اعطتني نظرة قالت هاتي هاتي انا بسسويهآ و ضاعت الهيبة و الشطآرة طحت من عينهآ ههههه . ربي يعطيهآ العآفيةة .

بعدهآ’ قلت يلا ببدآ بالحلا آآآآآآآآآآآهه آول مرهه اجيب العيد جدد في مهآراتي عدت صينية الحلا وربي 3 مرآت متخيلين الوضع كيف !! 

يعني الطبقة اللي تحت مخربطة واجي اكملها احط طبقة وتخرب وارجع اشيلها واعدلهآ هي كويسسه وطعمهاا بالنهاية جميل لكن لو يدرو بالحرب اللي صارت بالطبقآت ويشوفو آثآرهآ حيموتو ضحك عليآ , من كثر التخبيص كانت امي جنبي يا اني اكلت تهزيئة محترمه منهآ’ و قالت لا اله الا الله وش ذا الحال اخلصصي وخلصيهآ و الحمدلله انتهيت منهآ .

والحمدلله يومهآ آمي مآ آعتمدت عليآ بطبخ العشآء مو لاني مو كفؤ اسوي بس كنت مرهه جايبة العيد :) , وكان اعتمآد آمي على نص العششآْء من برآ 

على العصر دخلت غرفتي وجهزت اغراضي للشور وخلصت الشور بتآعي و بعدهآ رطبت جسمي و تبخخرت ودلعت حآلي , واستلمتني آمي اتصآلات لمآآآ قآلت بس :(  وجلست تقولي : ( بنت وينك ؟! بسسرعة تعآلي المشغل ؟! آخلصي , مآفي وقت ) 

وانا طيب طيب الان جآيتك مسآفة الطريق و فعلن لبست عبآتي وآخويآ كان ينتظرني ورحت للمشغل وتقآبلنآ عند الاستقبآل و دفعت عني قيمة الاستشواآر و شوي قآمت تقول آمي للبنت هالله هالله ببنتي , قامت البنت حق الاستقبآل تقول : ليه عروس ؟! , قالت امي : شيء زي كذآ <- طبعآ وقتهآ جلست اطالع بامي انوو يالحب هددي جبتي العيد وش عروس ياهوو ي مرآءة .. طبعآ افتح عيوني اقفلل اكبر اصغر و لا عبرتني ضحكت وراحت لانهآ خلصت استشوآر , بعدهآ خلصت استشوآري بعد ما خلوني مستعجل على طلب امي هع  

ورجعت البيت وصرت اتفرج بذي الملابس وفآكة الدولاب و اقول هذا لا لا لا وعع ما عجبني رغم انو اغلب الملابس آحبهآ بس من كثر ما كنت ادقق كرهت اللبس هههههه لمآ طفششت قلت خليني انتقل للمرحلة الثانية واسوي الميك اب الخفيف واخلص من شيء عالاقل 

بعدهآإ رجعت لملابسسي وبين تفسيخ وتبديل دام ربع ساعةة وقلبت الغرفة و صرت ما ارجع حتى اللبس الدولاب مبهذل لااا كمان تطورت وصرت ارمي فاي مكان شيء فوق السرير وشي في الارض وشيء على التسريحه يعني شيء الجو انقلب  ( وانا اكلتهآ بالتنظيف ) 

آخييييييييييرآآ آسستقريت على لبسسي :

تنورة سودآء طويلة 

قميص آخضر و اللي كآن فزيححححححة فتحت الصدر كبيرةة بس غطيته بشعري .

شعري :

استشورتهه مثل ما قلت فوق وكان ملفوف شوي من تحت لفآت بسيطة و سويت من قدآم بف صغير و بث 

مكيآجي : 

كحل + اساس يومي + بودرة خفيفة جدآ + بلاشر + مسكرة + روج 

والحمدلله صصرت مزةة بريفكت هههههههههههه <- مشو مشو 

بهآلوقت اللي كنت اجهز فيه كآن وقت وصولهمم للمححآفظة لاني بسبب دراستي انا بالجنوب وهم كآنو جاايين من جدة و بعض منهم من المدينة 

طلعت اشوف التجيهزآت عبآل مآيدخلوو واضيع ربكتي شوي , رحت اتاكد من الممجلس و اذا البخور تمام , دخلت الا اشوف اختي وبنت عممتي الصغيرة جالسين يلعبوو مدري وش يسوو , قولت لهم يطلعوو و كان فيه مرآيآ وجلست اتعدل واعدل شعري واخربه وارجع اصلحه و عاد المرض الذي يلازم الفتيآت قدام المرايا .

بعدهآ خرجت ومريت على المطبخ لقيت الصصوآني وصلت و امي تتآكد من كل شيء و طفت النآر على ورق عنب والمحاشي اللي سوتهآ و غيرهه .

وصصل اخويآ العمآرة بس لسى ما طلع البيت وقتهآ , وانا وامي كنآ عند البآب حق الشقة  والبآب حق المجلس طبعآ العمآرة اهلية فكآنت عادي الوقفة بالدرج جلست استهبل على امي قلك انو وصلو واقول يا هلا يا هلا يالله انك تحييهم يا مرحباا واحركك يدي وامي تطالع فيا و تضحك وتحرك راسها انو مع نفسك 

شوي اسمع اخويآ يقول:  يا ولد هو قال ياولد ما وصل لحرف الدال الا انا فحطططت ووصلت غرفتي وانسدحت كمان و اسمع ضحك امي من الدرج ولحقتني الغرفة ووقفت عند الباب قالت الله يالكذاب وترحبي وكلام فاضي واخرتها شردتي قلت : نسيت حاجه بالغرفة وجيت اجيبها هههههههه ضحكتت عليآ قالت : لسى ما جو , اخوكي بس , هم ورآهه لسى 

دقآيق الا اسسمع خطوآتهم ومن الفجعة وام الركب اللي صفتني جلست بغرفتي والود ودي انام وقتها من الاحراج ههههههههههه 

الموهيمزز 

بعد ما استقبلتهم امي لحالهآ , جات الغرفة و نادتني : يلا يا خلود تعالي الناس بالمجلس  قلت : من اللي جآإءء ؟! بالضبط  , قالت لي : ام فهد و اخواته ثنتين و بنت وحدهه منهم قولت : اها طيب ( بنفسي الحمدلله مو كثير وانحرج ) 

قالت امي : جيبي معآك العصير , طالعت فيهآ قلت خير ان شاء الله ماني داخله فيه خايفة اتهزهز والا حاجه وينكب رجعت ضحكت عليا قالت : خلاص انا بدخله و بسرعه الحقيني قلت طيب , وسحبت شويا رحت المطبخ مدري ليه جلست افتش اضيع وقت ممكن 

وفجآءة اسمع امي يا بنت يلا تعالي , قلت : امي وين عمتي ما جات , قالت : مادري , الا بدخلتهآ بهالجملة وسلمت وسآلتهآ طوالي وانبرشت كيف شكلي ؟! قالت : حححلوو مرهه ما شاء الله دايم لمآ تستشوري شعرك تصيري نعومه كيوتت 

<-- ( انا ما ادري من مفهمهم انو شعري كدش .. ياناس طبيعة شعري كيرلي نآعم مره بس على لفة ) 

الموهم ضحكتت وقلت ثنكيوو على الاطرآْءء و قلت لنفسي يالله ي بنت تفضلي وادخلي بس سرعآن ما تراجعت وجلست اقلب بالمطبخ 

وعمتي وامي انشغلو وراحو عندهم و فجاءءةة ظهرت امي تسال عن فناجيل القهوة قلت : الحين اجهزها , طالعت فيآ قالت : انتي يلا قدآمي , قلت : لا ابدنن بدخل الحين بس اجهز الفناجيل لك , قالت : شوكراا مره ادخلي بس قدآمي , قلت : اخر كلامم يعني , ضحككت وهي تهز راسسهآ . 

سمميت بآلله ووقفت عند باب المجلس الا تجييني ام الرككب قلت لامي : لسىى اااااااااااءءءءءء بكمل الا اشوف نفسي قدام الناس امي فكت الباب ورفستني للداخل :( :( :( 

مدري كيف سسبحان اللذي خلق ’ سسبحآن الله نزلت علي نعوومة انا استنكرت نفسي , اروح ملحح انا على المشية الكتكوتية يخخختي عليا كاني امشي على قشر بيض , ومنكسة راسي تقول مدخلينها على رجالهآ :( و حسيت بعدد هائل من الترمش في رموشي مع الربكة  وحسيت فيه موسيقى فوق راسسي و شيطاني فوق كتفي يضضحكك يقول والله وجاء اليوم وصرتي خيخه الله يالدنيآ :( افاا بس ما علينا اهم شيء البرسستييج 

المهم قلت يا خلود خذي شهيق وزفير , ششهيق وزفير انتي قوود , انتي قوية , ريلاككس  طبعاا هذا كله كله بدقيقة تصنمت فيها عند الباب بعد رفسة امي , اخذت نفس و ابتسمت وفكيت كشرة الارتباك اللي بينت اخر ضرس عندي 

نبدآ باليمين و عسسآنآ من اهل اليمين : 

اول وحده سسلمت عليهآ بنت اخته ملوكة ( ملاك ) ( انطبآعي الاول : كيووته البنت كيوته و لفتني شعرهآ لا اله الا الله ما شاء الله عليهآ مرره حلوو  معطيهآ انوثةة مرهه ما شاء الله تبارك الله , ربي يحفظهآ ) سلمت عليهآ و و قلت ي هلا حيآكك ’ الحمدلله على السلامة , كيفك .!؟ ..

بعدهآ 

ام فهد : ( آول مآشوفتهآ جاتني النفضة الدآخلية , جاك الموت يا تارك الصلاه , ابتسمت اكثرر , قلت يا هلاا نورتي بصوت وآطي وآطي وآطي , ياحلااتتتي بس ياحلاتي ههههه و انطبآعي كآن ما شاء الله صغيرة وجميلةة و الززين كله و ذاك الزمآم و الحركآت ربي يححفظهآ لي بس ’ سلمت عليهآ و حيآكك وكلجت بس سكتت طوالي لا تنتبه لي اني اقول طلاسم . ههههههههههه 

بعدهآ 

اخته آينآس : سلمت عليهآ ( كانت حآمل و كروشتهآ الجميلةة قدآمهآآ , ما شاء الله عليهآ كووبي من امهاا بالملامح و شكلها جميل ما شاء الله ربي يحفظهاا ويحميهآ ) وحيآكي والحمدلله على السلامهه .

بعدهآ 

اخته ( منآل - ام ملاك ) : ما شاء الله تبارك الله اول ما شفتها للامانة ذكرت الله فيهآ شيء يجذب وجميلةة ما شاء الله العايلة كلهم مزاينن وحلووين ههههه رحت فيها عندهمم هههههههه ما علينا نرجع البنت كانت جذابة ما شاء الله سلمت عليهآ وكيفك و الحمدلله على السلامه وحيآآك .

طبعآ كآنت تحرركآتي مدروسسةة من جميع الي بالمجلس 

رجعت اكمل سلامي على الباقين اللي هم عمتي وسلمت عليها جوا و بعدها مره عمي كانت جالسة وانا نسيت نفسي خربتهآ من الربكة بدال لا اسلم عادي واكمل مشوار الادب والنعومة والاخلاق واللزي منه فجاءة دقيتهآ كف بكف وقلت بصوت اعلى شوي : هلاا والله هلا وينك ما تنششآفين ي بنت .؟! ... فجاااااااءةةة توت توت توت توت الارساال بعقلي طآر { خلود خلود استفيقي ي عزيزتي اين انتي ؟! , انتي في المجلس قدام الناس } وغير تجيني الصدمة الكهربائية اللي خلتني اجلس بجنبها من الفشلة و الدلاخه , بعدهآ بس مبتسمه مبتسسسمة مبتسسسمة مبتسسسمة على قل سنع , اصلن شكيت انهم حيقولو وش بامهآ ذي الدلخه .؟! 

مآ علينآ . سسسبحآن الله , سسبحآن الله مدري كيف بقدرة قآدر فضى المجلس مدري كيف ! !

امي راحت تجيب قهوة وعمتي تسساعدهآ , مره عمي طلعت معزومة عند نآس وكانت داخله تسلم بس وبتروح

صرت بالمجلس انا واختي واهله , حسيت العيون علي و على حركاتي و ليه ما يجيني حنآن الاخوة المفاجئ واقول لاختي : حبيبتي اختي ما شاء الله انتي حلووةة ههههههههه غبية وربي , اختي تطالع فيآ : انحرجت المسكينة صارت خدودها حمر واطالع فيهآ واتاملهآ كانها لوحة فنية . 

المهم شوي يجيني سسؤال طاير وقف شعر راسي وجسمي من اخته : كيفك ! كيف دراستكك ؟! صرت اهز راسي كاني هندية و آجآوب بشويش و شوي عليت صوتي عشان يسمعوني و شوي اندمجت وما حسيت باختي الحيوانه اللي تعبت نفسي بمدحتها واخرتها قامت وخلتني لححالي يوم انتبهت آآآآآآآآآآآآآآآآآآآآآآآآ مدري ليه خفت حسيت انو تم الاستفراد فيني و اخاف اني اخربها , 

شوي جاء الانقاذ و اختي نادت قالت كلمممي امي ؟! حسيت وقتها اني اطططير اطير وعلى طول لامي و اهف على نفسي هواا هواا 

شوي امي راحت وجابت لهم شراشف الصلاة عشان يصصلوو وانا راجعه للمجلس قابلت ايناس عند المغسلة قولت خليني اشيل حاجز شوياا  قمت سسالتهآ : اختك حنآن وينهآ ما جات ؟! قالت : ما قدرت تجي , ابتسسمت لها و مشيت جلست 

طبعآ حنآن ( اختهم الكبيرةة انا اعرفهآ من قبل قد قابلتهآ بمكآن اول مرهه عند اقاربنآ و يومهآ ياني خقيت عليها وعلى ضحكتها عيونها جمييلة ما شاء الله يوم تضحك تطلع لها خطوط مره حلوة هههههههههههه <- ادري مع نفسي بس حبيتهآ مره )

نرجع لليوم بعد ما صصلو , جاء وقت تقديم القهوة وامي حشرتني الا انا اقوم اقهويهم عبال ما تخلص اللي بيدها وقمت 

عاد وانا قدام القهوة جات البنت البدوية اللي فيني قالت ي بنت عيب تودي القهوة مصبوبه لازم تصبيها مباشرة قدامهم وكذا 

يعني ايشش طبعا بيدي اليمين فناجيل واليسار ثلاجه وذا الشيء ما اتقنه الا بالعكس الثلاجه تكون بيميني قلت الا بحاول عيب عاد و اروح بمحاولاتي واسمي بالله وصرت ارتب الفناجيل فوق بعض عشان اخذهم بيدي , وليه ما يدق جوالي بنغمة وقت هدوء المجلس نفض اممم الهدوء و حسيتهم كذا سمو بالله وبقلبهم الله يخلف على هالبنت ههههههههه طبعا من الفزعة بسرعة طلعت ورديت على الجوال وكانت صديقتي قالت انهاا برا وطلعت لها و اعطيتهاا كم غرض مجهزته لها , لانها بتروح لصديقاتها قلت تمر تاخذ من اللي جهزناهه بدال ما تروح يدها فاضية و مدحت بشكلي ورفعت معنوياتي وسلمت عليها ورحت للمجلس ثاني طبعا قليلة ادب تركتهم وتاخرت دقايق , دخلت ومسكت الفناجيل وقربت منهم جيت بصب لملاك قالت ما تبي , رحت لامه وانا اصصب لها جسمي كان ينتفض ينتفض ينتفض  بالذات انو مكاني كان ملاك يميني وامامي امه ويساري ايناس وجنبها منال محاوطيني ما شاء الله , فصصرت ارجف ويرجف الفنجال معاي , وليه ما تنككب القهوة على يدي و من الربكةة وقوة الانتفاض ما حسيت باي الم انعدم الاحساس كملت عادي وتحملت و كملت فنجالها و بعدها صبيت لاخواته و رحت جلست طوالي ومسحت يدي بمناديل وحسيت اني مسوية مجهود عظيم , 

جات امي وعمتي ووزعو الححلا وبدا الكلام والاسئلة والاجوبة واندمج الكل بالنقاشات , قبل العشاء قالو بيروحو خلاص ولزمت عليهم امي ما يروححو لسى بدري و العشاء جاهزز و اخويا دخل فهد هو وعمي وجلسسو معاهه و نزلنا لهم العشاء و قمنا نجهز العشاء للحريم و فرشنا السفرة ووقتها انا خلاص بديت اكون طبيعية اككثر و اخذ راحتي شوي , قربنا الصحون وتفضلو على العشاء 

وصرنا ناكل ونسسولف و كلهم حبوو الورق عنب حق امي لانه مرره ما شاء الله لذيذ انا اعاف كل ورق العنب بعدهه استكن عليه ههههههه بنص السوالف كان نقاش حول الطبخ و صارت امي فجاءة تمدح فيا وبطبخي وتقول لا ماشاء الله بنتي تعرف 

صح هي ما كذبت الحمدلله اعرف بس انحرجت من كلامها عني قدامهم كذا , وشوي امي كانت تعلق على ورق العنب حقها وتمدح حالها ههههههههه وانا نسسيت حالي واندمجت وقمت حشيتهاا على ورق العنب هههههههه خربتها وامي رجعت ردت عليا بحشة ثانية و فجاء اللي جالسين كلهم يضحكو عليااا وعلى حركاتي الهبله , خربتهآ وراحت الرزهه ماش مرهه و الحمدلله خلص العشاء 

وبعدهآإ آعتذروو بسبب المشوار ولازم يطلعو الحين ووانتهت الزيارةة براحهه مو زي بدايتها بقلق 

لما راحو جلست اتصور واثبت شكلي بهاليوم ههههههه  ورحت لقيت عمتي وامي جالسين وعمتي تقول ما شاء الله عليهم اخلاق و كيف عرفوكم وجايين من بعيد ما شاء الله و بداخلي فرححت فرحه صوغيرةة انهم عشاني قطعوو هالمسسافة 

وبكذا انتهى هاليوووم الجميل ببسساطته و حلاوته بتعرفنا عليهمم 

آصصدآء هاليوم اسسعدني لما قالوو لي البنات انو امهم بس تمدح فيني و كمان اخواته اللي جو 

صح كنت مرتبكة وخايفة ومتوترةة بس فرحت بجمعتهم كانت عافية . 

تم بحمدلله ...

نقطة البدآية

بسسسسم الله الرحمان الرحيم 

السلام عليكم ورحمة الله وبركاته 

تم بحمد الله اليوم آفتتآح مدونتي الجميلةة رآح آبدأ فيهآ مررحلة حيآتي الجديدةة  انتقلت من مرحلة البنت العازبة للبنت المتزوجة 

واكيد حيكون فيه اختلاف بين الحيآتين .. مآ ندري وش ينتظرني من اكششنآت ومغآمراآت يمكن .. ببدآ هالسلسلة اللي اتمنى تكون سسسعيدةة وممتعه لي و لكم ان شاء الله 

* ملاحظة * في بعض الاحدآت صآرت بدخولي المرحلة الجديدة قبل افتح المدونة عشآن كذا ممكن اكتبهآ بتآريخ واحد وممكن على ايام ورآ بعض فلا تستغربو من الاحداث اللي ورا بعض . 

بدآية موفقة وسسسعيدةة بآذن الخالق ليً ولكممـ ... 

آستمتعوو